Endeleg Boccia-kampar

OPPSLAGSTAVLEN: Du kunne formeleg kjenne lukta av glede, fokus og konsentrasjon i salen, skriv Åse Engelsen.

Fokus: bak frå venstre gruppeleiar Tanja Resing i Manger IL, framme frå venstre Trine Bekken i Askøy Helsesportlag, Lillian Bjorøy i Manger IL, Jon Aksel Haugland i Askøy Helsesportlag og Daniel Reigstad i Manger IL.
  • Åse Engelsen
Publisert:

Søndag var det duka for seriekampar i Boccia på Askøy. Dei har ikkje spela sidan pandemien braut ut, men det såg ikkje slik ut då dei møttes til kamp i Askøyhallen. Du kunne formeleg kjenne lukta av glede, fokus og konsentrasjon i salen.

Det var eigentleg ganske stille i salen, med unntak av litt jubel innimellom. Det såg ikkje ut for at dei andre spelarane lot seg affisere med det når ein kikka rundt i salen. I tillegg til kampane, såg det ut for at dei frammøtte kosa seg med vafler, pølser og anna godsaker i kiosken, og det kom vel med når kampane gjekk i eitt frå kl 11.00 til 15.00.

Ei som var glad for å spele Boccia etter så lang tid, var Sandra Jonas Pedersen frå Askøy Helsesportlag. Konkurranseinstinktet var der.

– Eg blir litt irritert når me tapar kampar, seier Pedersen. - Men berre litt, legg ho til etterpå, og fortel at ho har vore med lenge.

– Me trenar kvar onsdag her i hallen, og har tre lag med i dag, fortel ho.

Det vart teke i bruk eit nytt nasjonalt registreringssystem denne dagen, då var det ikkje enkelt for arrangørane å få opp resultata på kampane, men enn så lenge får ein venta å sjå kvar ein ligg an på tabellen etter dei første kampane i Vestlandsserien.

Fem lag var påmeld i Askøyhallen:

  • Manger IL
  • Arna Boccialag
  • Austrheim IL
  • Askøy Helsesportlag
  • Øystese IL
Tomlar opp for seriekampar att: Sandra Jonas Pedersen i Askøy Helsesportlag.
Publisert:
  1. Oppslagstavlen

Mest lest akkurat nå

  1. Dette popper opp over alt. To ulike aktører ønsker å etablere tilbudet på Askøy

  2. Positive til gå videre med Kildn havn i Eidsvika

  3. Det videre arbeidet med Kildn må være grundig og godt