Eiking henta til nytt lag

Odd Christian Eiking skal sykla for EF Education - Nippo, der lagleiaren er full av lovord om han.

Odd Christian Eiking går til eit lag som ligg høgare oppe på verdsrankinga. Foto: Arkiv
  • Kyrre Styve
Publisert: Publisert:

– Eiking ville ikkje snakka om kontrakt før han hadde vist kva han kan i ritt, og eg tenkte «Oi, den fyren har guts som faktisk seier nei til eit potensielt tilbod fordi han først vil visa kva han er god for». Veldig få syklistar i hans posisjon ville ha gjort det.

Det seier sjef for EF Education - Nippo, Jonathan Vaughters, i ei pressemelding.

Odd Christian Eiking har til no sykla for Intermarché, og har i år fått sin definitive gjennombrotssesong. Nyleg hadde han leiartrøya i Spania Rundt i sju etappar. No går 26-åringen frå eit team som ligg på 20. plass på verdsrankinga til eit team som har 13. plassen.

Jonathan Vaughters følgde med Eiking sin innsats i heile Spania Rundt, og nølte ikkje med å henta askøyværingen til stallen.

– Eg gler meg til å møta laget og vinna ritt saman, seier Odd Christian Eiking i pressemeldinga.

Publisert:
  1. Sykling
  2. Odd Christian Eiking

Les også

  1. Favorittbakken er opp Bergheim fra Florvåg

Mest lest akkurat nå

  1. Dette popper opp over alt. To ulike aktører ønsker å etablere tilbudet på Askøy

  2. Vannledningsbruddet er utbedret

  3. Leiligheten i Erdal er akkurat solgt. Kjøper måtte ut med nesten fire millioner kroner.

  4. Det videre arbeidet med Kildn må være grundig og godt